welcome to our core network we show you this news to our followers Nyesom Wike: Rivers State goment wan sue Amaechi, Cole for assets and we work to provide reliable facts and news on a permanent basis, we are happy to visit our networks, you can follow the lastest news and culture and art on our network 24 hours, we offer you followers of our network the latest world news around the clock .
Nyesom Wike: Rivers State goment wan sue Amaechi, Cole for assets
Rivers State Govnor wan sue former Govnor Chibuike Rotimi Amaechi for alleged sale of state assets.
Nyesom Wike give di order ontop wetin im call ‘di illegal financial dealings’.
Wike want the new State Attorney General and Commissioner for Justice to begin the prosecution.
Apart from Amaechi, the State APC governorship candidate Tonye Cole dey accused.
Di govnor give Prof. Zacchaeus Adango di marching order on Friday as e swear in three new commissioners.
Adango take oath as the new Rivers State Attorney General and Commissioner for Justice.
Wike tell am for Goment House Port Harcourt say Rivers pipo need to know wetin actually happen.
E tok about di $50 million dollars wey disappear from di State account without proof of business to show wia e go.
“Attorney General, we dey at a critical period wen pipo wan know wetin di State go do…
“…with the Judicial Panel of Inquiry after the Supreme Court judgment on am.
Luckily, you come at di right time whom we don begin criminal charges against di former govnor (Amaechi), Sahara Energy, Tonye Cole and the rest of them.
“Make pipo see wetin happen to our money.” E tok
Wetin be dis panel of inquiry?
Wen Govnor Wike resume office in 2015, the State Goment set up judicial panel of inquiry.
Na to investigate the activities of the former Govnor Chibuike Amaechi.
Dis na with regards to the sale of some State owned assets.
The judicial panel wey Justice Omereji head get mandate to investigate the sale of the 150 Mega Watts gas turbine for Omoku;
Afam 360MW gas turbine; Trans-Amadi 136 MW Gas Turbine and the 75 MW Gas turbine in Eleme;
Monorail Project; the sale of Olympia hotel; and non-execution of the contract for the construction of Justice Karibi-Whyte hospital.
Dis afta Wike goment allege say di Amaechi administration don pay $39.2m to di contractor.
The judicial panel at the end of the investigation submit a report and recommendations to the State Goment.
Di report indict some pipo and dis come make di State Goment come up with a White Paper Report.
Sake of dis, the former Governor, Chibuike Rotimi Amaechi go Court to challenge the panel of Inquiry investigation from the State High court to the Court of Appeal.
Amaechi approaches the Supreme Court to give an order to prohibit the successor, Gov. Nyesom Wike from investigating im eight-year tenure as Govnor of State.
Im lawyer, Lateef Fagbemi say di probe na witch-hunt wey wan embarrass and disgrace am because of im political differences with im successor.
E pray make the Court set aside the recommendations of the Judicial Panel of Inquiry and the White Paper wey the Goment do.
Supreme Court dismissed Amaechi appeal
On May 27, 2022 the Supreme Court unanimously dismissed Amaechi appeal.
Justice Adamu Jauro wey lead the seven member panel of justices to deliver the judgment, dismiss the appeal because e lack merit.
The apex court uphold the judgments of the High Court of Rivers State and that of the Court of Appeal wey bin don dismiss the same suit because e no get substance and merit.
You court also ask the former Governor to pay the respondents N1 million.
‘Supreme Court don vindicate me’ – Amaechi
But Amaechi on 27 May, 2022 say di Supreme Court judgment vindicate am. For statement e sign, Amaechi say as di Supreme Court dismiss di appeal, dem however say di Judicial Commission of Inquiry na just to investigate.
So nobody, weda Amaechi or anybodi, am dey on trial before di panel, im add.
And so any indication from the Commission dey null and void and e no fit stand. E conclude.
‘Documents about di N96billion transaction dey free for anybodi to see through FOI Act’ – Tonye Cole
But Tonye Cole say nothing dey to tok about di N96billion fraud allegation.
E say because the contracts and all the documents dey.
And members of the public fig get access to am through the Freedom of Information Act (FOI). “Dis na issue wey dey public domain. In other words, all of us get the Freedom of Information act.
“Your contracts and all your documents are available for evribodi to see.
“Go look am, research for yoursef and see exactly wetin happen dia. E no dey hidden.”